Este blog é unha lembranza e homenaxe ás persoas da nosa familia que sufriron represión ou morte pola súa loita contra o franquismo (fascismo).
Lembranza e homenaxe que queremos facer extensivo nestas páxinas a todos aqueles que foron vítimas deste reximen.
Asinado:
Manuel Fernández Pita e Carmen Fernández Pita
| « | Febreiro 2010 | » | ||||
|---|---|---|---|---|---|---|
| D | L | M | M | X | V | S |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | ||||||
Memoria Histórica D.
Blog de Xosé M. Suárez
Los de la sierra
Españois deportados ...
Deseño & Edición: SF
Para moitos, os nazis aínda reservaron un inferno peor, o do veciño campo de Gusen. E nin sequera a liberación fíxolles xustiza. Unha vez liberados non puideron regresar a Galicia.
«A Xustiza é lenta, pero chega», afirma Fernando Villot, neto de Agustín Cameselle, vítima de Mauthausen. Está satisfeito co auto do xuíz Ismael Moreno, da Audiencia Nacional, que ordea a detención de tres nazis por crimes cometidos en Mauthausen. O maxistrado responde á demanda de dous sobreviventes españois.
Pra consultas: Españois deportados a Campos de Concentración Nazis
O INFERNO NAZI
Centos de galegos viviron o Holocausto nazi. Exiliados tras a Guerra Civil, fuxiron dun horror para meterse noutro e 106 deles morreron en Mauthausen. A Audiencia Nacional acaba de ordenar a detención de tres criminais das SS polos seus delitos.
Francisco Pena espertaba gritando moitas noites do resto da súa vida: «¡Que veñen os alemáns!». Suorento e demudado. Nunca puido esquecer o inferno que viviu de 1940 a 1945, confinado nun campo de exterminio nazi. «Cos amigos, chanceaba, porque rirse ao contar ese drama servíalle de terapia, pero a verdade era distinta», recorda o fillo do sobrevivente. Pena, natural de Cabo de Cruz, foi un dos centos de republicanos galegos que padeceron o Holocausto. Deles, 106 morreron en Mauthausen. Agora, 65 anos logo daquel pesadelo, a Audiencia Nacional acaba de ordear a busca e captura de tres criminais das SS que impuxeron o terror naquel campo.
A Audiencia Nacional ordena a súa detención por delitos de xenocidio e lesa humanidade.
O xuíz Ismael Moreno, titular do Xulgado Central de Instrución número 2 da Audiencia Nacional, acordou onte o procesamiento de Johann Leprich, de 84 anos; Anton Tittjung, de 85, e Josias Kumpf, de 84, ex gardas das SS nazis, aos que acusa de ser cómplices na comisión dun delito de xenocidio e lesa humanidade pola súa intervención, como membros do Batallón da Caveira, en tres campos de concentración entre 1942 e 1945.
