Pasaron xa 38 anos desde aquela madrugada do 72 no que o réxime de Franco quixo cobrar caro o atrevemento dos traballadores ferroláns de reclamar os seus dereitos económicos, sociais e políticos. E deixaron no chan unha morea de feridos e mortos a Amador e Daniel. Repetíase así unha experiencia histórica do movemento obreiro mundial, nada se nos regala, temos que conquerilo coa nosa forza organizada e coa nosa intelixencia, pasando por retrocesos e avances, camiño da democracia plena, do socialismo.

O mércores, dia 27 de xaneiro ás 17 horas, celebrarase no Castelo de San Felipe a homenaxe, organizada pola Asociación Memoria Histórica Democrática, a Amada Garcia Rodriguez e ás 7 persoas que mataron con ela o 27/01/1938:

Juan José Teijeiro Leira (de Mugardos), José María Montero Martínez (de Mugardos), Ángel Roldos Gelpi (de Mugardos), Antonio Eitor Caniza (de Mugardos), Ramón Rodríguez López (de Ares), Jaime González Pérez (de Ares) e Germán López García (de Cabanas).)

O plantexamento de conceder o mesmo dereito a quenes están a favor ou en contra de manter a simboloxía franquista encerra unha trampa que a sociedade non debería tolerar: pór ao mesmo nivel aos demócratas e aos nostálxicos partidarios dunha ditadura que provocou máis de 1.000 asasinatos soamente nas comarcas de Ferrolterra, Eume e Ortegal (cifra que está documentada e é verificable).

A Lei da Memoria Histórica obriga á retirada de todolos símbolos que exaltan a ditadura franquista e polo tanto os seus contidos son un mandato de obrigado cumprimento. Quenes defenden que a estatua de Franco non se retire, sitúanse en clara actitude de rebeldía ante a Lei.

O goberno local convocará mañá unha xunta de portavoces para fixar unha solución «lóxica e razoable».

A asociación de Memoria Histórica avoga por que se funda a peza.

O presidente e o secretario da asociación Memoria Histórica Democrática, Manuel Fernández Pita, e Enrique Barrera, respectivamente, reuníronse onte co alcalde ao que trasladaron a súa postura sobre a estatua. Avogan por que se funda, aínda que propoñen a apertura dunha mesa de debate para que se adopte unha solución por consenso. Confían en que este ano queden eliminados da urbe todolos símbolos franquistas.

A estrea do documental O Segredo dá Frouxeira, sobre o alcalde republicano Porto Leis, asasinado en 1938 xunto ás tres persoas que lle axudaron, motivou un equívoco na persoa de Jesús Miño, un dos protagonistas.
O historiador Enrique Barrera aclarou que non era o propietario da tenda de ultramarinos que existía na ponte de Serantes sobre o río da Sardiña.

A película documental "O segredo da Frouxeira" estreouse onte no Jofre no medio dunha grande expectación. Á hora na que abrían as portas do teatro (ás 19.30) había aínda longas colas na taquilla para coller as invitacións (gratuítas). De feito, houbo quen quedou fóra por falta de aforo (as normas de seguridade impiden que haxa xente de pé). O alcalde da cidade, Vicente Irisarri, comezou a súa intervención pedindo desculpas por este feito e asegurou que "a película vai poder ser visionada noutras ocasións".

O Ateneo Ferrolán prosegue co ciclo de proxección de documentais que adica á Memoria Histórica. Un ciclo que nesta a súa segunda metade leva por título A memoria recobrada. 

Esta segunda metade abrirase o día 24 de novembro con "Galicia, la tespestad del 36", de Manuel Rivas, e continuará no mes de decembro con outro catro documentais: "Los del monte" (Manuel Gutiérrez Aragón), o día 1; "Málaga, 1937, la carretera de la muerte" (Juan Madrid), o día 10; "Huesos" (Pedro Guerra), o 15 e "Estremadura amarga" (Luís Pastor), o día 17, pechará o ciclo. Todas as proxeccións terán lugar os martes a partir das sete da tarde no salón de actos do Ateneo e a entrada é gratuíta até completar o aforamento.

O vindeiro xoves 3 de decembro, ás 19,30, no Teatro Jofre, de Ferrol, terá lugar a estrea do documental "O Segredo dá Frouxeira" centrado no asasinato, en 1937, do Alcalde republicano de Serantes, Alejandro Porto Leis e de Modesto del Río, Jesús Miño e Avelino Landeira, "paseados" con él por habelo protexido.

Ferrol Diario, Domingo 11 de Abril de 1976 - Página - 4

Ha causado honda impresión en el círculo de sus amistades el fallecimiento de don Manuel Fernández Mourente, quien había sido trabajador de "BAZAN"; donde gozaba de generales simpatías.

El sepelio se verificará hoy a las doce, en el cementerio de Catabois.

En estos dolorosos momentos, expresamos a sus familiares el testimonio de nuestra condolencia.