Procesados tres ex gardas das SS nazis
18 09 09 - 15:48 La Voz de Galicia Procesados tres ex SS por torturar a españois en campos de concentración.A Audiencia Nacional ordena a súa detención por delitos de xenocidio e lesa humanidade.
O xuíz Ismael Moreno, titular do Xulgado Central de Instrución número 2 da Audiencia Nacional, acordou onte o procesamiento de Johann Leprich, de 84 anos; Anton Tittjung, de 85, e Josias Kumpf, de 84, ex gardas das SS nazis, aos que acusa de ser cómplices na comisión dun delito de xenocidio e lesa humanidade pola súa intervención, como membros do Batallón da Caveira, en tres campos de concentración entre 1942 e 1945.
A decisión, adoptada ao amparo do principio de xustiza universal, derívase da petición formulada en maio pola Fiscalía da Audiencia Nacional, tras admitir a trámite a querela dun grupo de cidadáns españois que sobreviviron á súa reclusión nos devanditos campos: David Moyano Tejerina, Silvia Dinhof-Cueto, Concepción Ramírez e Donato Jesús de Cos Borbolla.
O xuíz ordenou a prisión incondicional dos procesados e dictou contra eles unha orde europea de detención e entrega, xa que, segundo o propio auto, dous dos procesados -Johann Leprich e Anton Tittjung- residen en Estados Unidos, mentres que o terceiro -Josias Kumpf- ten a súa residencia en Austria.
Un cuarto imputado -Iwan Demjanjunk- non figura como procesado porque foi extraditado a Alemania, onde, segundo consta no sumario, séguense actuacións contra el. O xuíz, en todo caso, pide a confirmación de que os feitos que se investigan neste país coinciden cos analizados nesta causa.
O instrutor considera que os tres ex gardas das SS procesados participaron na persecución de xudeus e doutros grupos étnicos, así como de prisioneiros de diversas nacionalidades de Europa, entre eles españois, durante a Segunda Guerra Mundial.
A petición de procesamento formulada hai pouco máis dun ano pola Fiscalía recollía, entre outras probas, Os libros de mortos -Totenbuch-Mauthausen- que foron aportados á causa polos querelantes en soporte dixital, así como unha selección das páxinas deses textos nas que áchanse rexistradas vítimas españolas. A sua autenticidade está avalada polos propios Arquivos Nacionais de Estados Unidos.
Os querelantes tamén aportaron os listados de máis de 3.000 vítimas españolas en campos de concentración, obtidos a través do Arquivo Nacional de Estados Unidos e con orixe na base de datos do International Tracing Service e, no caso de Sachsenhausen, outros documentos producidos por autoridades alemás da época do dominio nazi.
Trackback link: http://www.nanosamemoria.com/pivot/tb.php?tb_id=29